By: Aine Grace Bravo

Ginpasakaan na sang kaso nga frustrated homicide kag duha ka counts sang attempted homicide si PO1 Argie Esico matapos nagpinalupok sang pusil sa videokehan sa Brgy. Bayuyan, Estancia sang Enero 17.

Gin-file ang kaso kriminal sa Provincial Prosecutors’ Office kahapon base man sa medical certificate sang mga biktima nga sanday Rolando kag Giovanni Katipunan kag Ricky Fiebre. Suno kay C/Insp. Lorenes Losaria, kaso administratibo na lang ang ginahulat nga i-file batuk kay Esico pagkatapos sang imbestigasyon nga himuon sang Provincial Internal Affairs Servics (PIAS).

Gin-athag ni Losaria nga magapabilin nga preso sa karsel sang Estancia PMP si Esico kon indi ini makabayad sang piyansa para sa iye temporaryo nga kahilwayan. Paga-isyuhan naman sang restriction order si Esico kon makapiyansa bangud sang nagapadayon nga administrative investigation batuk sa iya.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply