By: Aine Grace Bravo

Duha ka gin-alegar miembro sang New People’s Army (NPA) ang nadakpan sa checkpoint sa Brgy. Nanga, Guimbal kagab-i.

Ginkilala ang mga nadakpan kanday Sofronio Talabon, 60-anyos sang Brgy. Supa kag Anthony John Tahano, 34-anyos sang Buyuan, Tigbauan. Suno kay Sr/Insp. Norlan Perante, OIC sang Guimbal Police Station, nagasakay sa motorsiklo sanday Talabon kag Tahano sang nadakpan sang Guimbal police.

Nakuhaan si Talabon ang homemade shotgun, isa ka magazine kag siyam ka bala. Nakuha naman kay Tahano ang 45-kalibre nga pusil kag duha ka magazine.

Preso na sanday Talabon kag Tahano sa karsel sang Guimbal Police Station.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply