Iloilo City: Pagpalusot sang ilegal nga druga sa tion sang Dinagyang Festival, gina-antisipar sang PDEA 6; saturation drive sa mga kilala nga drug haven, ginlunsar sang ahensya!

By: Jocelyn Gelloagan-Maque

Gina-antisipar na sang Philippine Drug Enforcement Agency (PDEA) 6 nga may mapalusot sang ilegal nga druga samtang nagasinadya ang mga ilonggo sa Dinagyang Festival.

Ginpasalig ni PDEA 6 Director Paul Ledesma nga nakapreparar na sila subong pa lang agud masiguro nga mahagan-hagan kon indi man ma-untat ang paglapta sang ginadumilian nga druga.

Kabahin sang tikang sang PDEA suno kay Ledesma ang serye sang mga saturation drive sa mga lugar nga kilala nga drug haven.

Katuyuan sini nga indi makaguwa sa lugar ang mga nagabaligya sang illegal drugs.