By: Jocelyn Gelloagan-Maque
Luyag makilala ni PDEA 6 Director Paul Ledesma kon sin-o ang ginasaligan ni Rolando Torpio alyas Apa, ang kilala nga drug personality sa Barangay South San Jose, Molo.
Pahayag ini ni Ledesma matapos ginbalikan ang ginpahayag drug den ni Torpio kahapon kag nakita nga ginpadakuan ini.
Una gid nga hibaluon ni Ledesma kon ngaa wala naka-report ang mga barangay officials nga nagdaku ang operasyon ni alyas Apa sa ila barangay.
Masobra isa ka tuig na ang nakaligad sang ginsulod man sang PDEA agents ang lugar.
Ginkadismaya ni Ledesma nga wala nakapakita ang mga barangay officials sa masobra tatlo ka oras nila nga pagtenir sa barangay kahapon.