By: Aine Grace Bravo
Ginhugtan pa sang Philippine Drug Enforcement Agency (PDEA) 6 ang pagbantay agud wala sang makalusot nga illegal drugs sa syudad sa tiun sang Dinagyang Festival.
Kabahin sang tikang sang PDEA ang saturation drive sa mga lugar nga kilala nga drug haven. Katuyuan sini suno kay PDEA 6 Director Paul Ledesma nga mapunggan ang paguwa kag paglapta sang ginadumilian nga druga samtang nagasinadya ang mga taga-syudad sa Dinagyang.
Wala naman sang nadakpan nga drug personalities kag drug users. Sa West Habog-habog, Molo, nagpalagyo ang mga tawo sa sulod sang drug den samtang na-recover ang mga drug paraphernalia sa payag nga ginapnag-iyahan ni Dodong Ynion. Ginsalakay man sang PDEA ang mga drug den sa South San Jose kag Boulevard sa Molo.