By: Jocelyn Gelloagan-Maque

Ginkalipay ni City Tourism Officer Ben Jimena nga nangin madinalag-un ang Dinagyang Festival 2015.

Ginpahayag ni Jimena nga nasadyahan siya bangud madamo nga bisita ang nag-abot agud magsaksi sa event kag namentinar ang kalinong kag katawhay.

Suno kay Jimena, naanad naman siya nga makapoy ang event apang mas maayo subong bangud nga natunga ang mga trabaho kag naga-function ang kada komitiba para sa event.

May mga leksyon suno sa iya pareho sang kapaslawan nga mapabalo ang mga nagtan-aw tuhoy sa pagpasundayag sang costume sang nagkalain-lain nga festival sa pungsod apang sigurado nga himuon na ini sa masunod nga tuig.

Gin-athag naman ni Jimena nga wala sang problema kon indi siya pagpasalamatan sa mga nahimo agud masiguro ang madinalag-un nga Dinagyang.

Reaksyon ini ni Jimena matapos ulihi na gin-acknowledge ni Mayor Jed Patrick Mabilog sa awarding ceremony kagab-i.

Gin-athag sini nga wala sila sang problema ni Mayor Mabilog.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply