Iloilo City: 50 sentimos nga buhin sa plete sa mga depasahero nga jeep sa syudad, nag-epekto na sugod kahapon!

By: Jocelyn Gelloagan-Maque

Nag-epekto na ang 50 sentimos nga buhin sa plete sa depasahero nga jeep sa syudad sugod kahapon.

Ginkonfirmar ini ni Iloilo City Loop Alliance of Jeepney Owners and Drivers Association (ICLAJODA) President Boyet Parcon.

Kahapon pa suno kay Parcon gin-aprubahan sang Land Transportation Franchising and Regulatory Board (LTFRB) Central Office ang ila Petition for Fare Reduction.

Nagakahulugan nga P7 na lang ang plete sang regular nga pasahero kag P5.50 naman ang plete sang mga estudyante, senior citizens kag persons with disabilities (PWD’s).