By: Aine Grace Bravo

Obligado ang mga drivers sang depasahero nga jeep sa syudad nga magpatapik sang certification kag fare matrix agud mapatuman ang fare reduction.

Suno kay LTFRB 6 Director Romulo Bernardes, magaserbe nga giya sa mga pasahero ang certification kag fare matrix agud malikawan ang pagpamintaha sang iban nga drivers. Gin-athag naman ni Bernardes nga libre nga makuha sang mga drivers sa LTFRB office ang certification.

Nagalab-ot suno sa iya sa 5 mil pesos ang penalidad sa mga madakpan nga public utility jeepneys nga wala sang certification. Ginpahibalo ni Bernardes nga tubtub lang sa Biernes ang pagpang-isyu sang certification sang LTFRB kag magapanakop na sila umpisa sa Lunes.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply