By: Jocelyn Gelloagan-Maque
Mabudlay nga pasibangdan ang chief of police sang Oton PNP nga nagabatun sang pahamham halin sa gambling operator.
Gin-athag ni Police Senior Inspector Rey Pabalan nga kada bulan may ginadakop sila nga koridor ukon nagapataya sang first 2 kag daily double kag sobra na sa quota nga ginhatag sang Iloilo Police Provincial Office (IPPO).
Gin-ako ni Pabalan nga madamo ang mga nagapapatad sa illegal gambling apang wala sang nagatiner nga gambling operator sa Oton.
Apektado ang kampanya suno kay Pabalan batuk sa illegal nga sugal kon nagabatun ang police sang pahamham halin sa gambling operator.
Ginhimo ni pabalan ang pahayag bilang reaction sa ginbuyagyag ni anay Congressman Oca Garin nga may nagabatun nga chief of police kag alkalde sa premier distrito sang payola halin sa gambling operator.