By: Aine Grace Bravo

Nahisugtan sang Committee on Markets and Slaughterhouse sang City Council nga maghimo sang isa pa ka clarificatory hearing sa Huwebes may kaangtanan sa gin-alegar tuklo-anay sa Iloilo Terminal Market.

Kasunod ini sang panibag-o nga mga alegasyon ni Ms. Emmalene Diana, administrative officer 1 sang Local Economic Enterprise Office paagi sa ginsumiter nga affidavit kay Kagawad Rodel Fullon-Agado, chairman sang komitiba. Suno kay Kagawad Plaridel Nava, vice chairman sang committee, nagdesisyun sila nga maghiwat sang hearing agud mahatagan sang kasanagan ang mga alegasyon ni Diana. Partikular nga natumod sa bag-o nga affidavit ang tampering sang records sang pila ka vendors sa terminal market.

Gin-imbitar sa hearing si Diana kag ang mga namitlang nga pangalan sa affidavit pati na ang mga vendors. Luyag usisaon suno kay Nava sang komitiba ang mga records nga gin-alegar may tampering agud mahibaluan kon sin-o pa ang mga involved sa anomaliya.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply