By: Jocelyn Gelloagan-Maque
Pangabayon ni anay Congressman Oscar Garin ang Sanguniang Panlalawigan nga magpasar sangresolution nga mapadasig ang paghatag sang franchise sa mga operators sang numbers game sa probinsya.
Mas maayo suno kay Garin nga ma-legalize ang numbers game agod mangin hayag na ang pagpatad sang mga tumalaya bisan pa mabuhinan ang porsiento sang mga koridor.
Kasunod ini sang pagbuyagyag ni Garin nga may mga chief of police kag alkalde sa premier distrito nga nagabatun sang payola sa gambling operator.
Madata suno sa anay kongresista ang papatad sang Small Town Lottery (STL) sa kabanwahanan bisan pa nga illegal ang operation sa probinsya.