By: Aine Grace Bravo
Iduso ni Kagawad Plaridel Nava sa City Council ang pag-regulate sa paghiwat sang Battle of the Sounds sa syudad ilabe na kon may okasyon.
Ginhimo ini sang konsehal matapos nakabaton sang madamo nga reklamo halin sa mga pumuluyo pagkatapos sang Dinagyang Festival nga indi maka-enjoy sang kahiwatan bangud sang tuman katunog nga mga sound system. Suno kay Nava, apektado ang ikaayong lawas sang publiko bangud sang ginatawag nga noise pollution.
Ginlakip sa agenda sa regular session sang konseho ang proposisyon ni Nava. Gilayon naman nga mapatawag sang committee hearing ang konsehal kon ma-aprubahan ang iya proposisyon.