Carles, Iloilo: Mangingisda, nakuhaan sang mga pusil, bala kag ingrediente sa paghimo sang dinamita

By: Aine Grace Bravo

Gindakup ang mangingisda matapos nakuhaan sang mga kontrabando sa Carles kahapon.

Paagi sa search warrant, ginsulod sang mga katapo sang Criminal Investigation and Detection Group (CIDG) 6 ang balay ni Abet dela Cruz, 46 anyos sang Brgy. Bancal. Nakuha sa balay ni dela Cruz ang m16 kag 45-kalibre nga pusil, mga bala kag magazine kag ginabanta sa 300 ka blasting caps kag ammonium nitrate nga ingrediente sa paghimo sang dinamita.

Suno kay C/Insp. Cris Cordero sang CIDG 6, nadakpan si dela Cruz bangud man sa bulig sang komunidad. Nobyembre sang nagligad nga bulig sang nakabaton sang impormasyon ang CIDG angut sa mga illegal nga aktibidad ni dela Cruz.

Nag-apply sang search warrant sa korte ang CIDG matapos nakumpirmar nga nagahupot sang mga armas ang suspetsado. Preso na sa karsel sang CIDG 6 si dela Cruz kag natalana kasuhan sang possession of illegal firearms and ammunition kag illegal possession of explosives.