Iloilo: Anay terminal head sang Bureau of Immigration 6, nanghiwala nga corruption ang rason sang pag-relieve sa iya!

By: Aine Grace Bravo

Ginpanghiwala ni Mr. Noel Bangeles, anay terminal head sang Bureau of Immigration 6, ang naguwa nga report nga gin-relieve siya bangud sang mga gin-alegar korapsyon sa ahensya.

Gin-athag ni Bangeles nga wala sang rason ang pagsaylo sa iya sa Manila Airport agud mangin supervisor sang apat ka terminals. Normal lang nga sitwasyon suno sa iya nga may nagakatabu nga reshuffling sa ahensya sa diin pila man niya ka kaupod ang ginpangsaylo sa iban nga lugar. Katuyuan ini suno kay Bangeles nga malikawan ang familiarization sang mga opisyal sa lugar.

Magluwas sa ila, ginpahibalo ni Bangeles nga may 50 pa ka personnel sang ahensya ang balasahon.