By: Aine Grace Bravo

Ipatuman sa labing madali nga panahon ang short-term planning kag short-term solutions para sa problema sa trapiko sa syudad.

Suno kay Kagawad Plaridel Nnava, chairman sang Committee on Transportation sang City Council, gin-suhestyun sa ginhiwat nga transport summit ang sige-sige nga pagpatuman sang mga ordinansa sa trapiko. Ginalakipan ini sang on-road parking; clamping and towing ordinance; pagpanakop sa mga barkers, tricycle kag trisikad; kag pagkakas sang mga illegal structures sa dalan pareho sang mga junk shop kag vulcanizing shop.

Nadesisyunan suno sa iya nga ipatuman ang clamping and towing ordinance sa Pebrero 25. Samtang aktibo naman nga ipatuman sang kapulisan ang ordinansa batuk sa mga barkers kag mga trisikad kag tricycle drivers nga nagabiyahe sa mayor nga dalanon sa syudad.

Magalawig sang anum tubtub isa ka tuig ang timetable para sa pagpatuman sang mga napasar na nga ordinansa.

0 thoughts on “Iloilo City: Short-term solutions sa problema sa trapiko, ipatuman sa labing madali nga tiun suno kay Kag. Plaridel Nava”
  1. Ang maayo nga solusyon sa problema trapiko amo ang pag implementar sang government-owned public transportation system (mga gagmay bus) sa siudad. Edumili ang mga jeepney sa siudad. Ang mga jeepney kag bus maka halin/kadto lang sa mga rural, inter-city, kag inter-province terminal. Daw damgo ini pero ini lang ang maka solbar sa problema trapiko.

Leave a Reply