By: Jocelyn Gelloagan-Maque

Ginkawatan sang duha ka dalaga samtang nagasaut sa sulod sang disco bar sa Smallville Complex, Mandurriao.

Nagreklamo sanday Angelica Marie Serafica sang Quintin Salas, Jaro kag Kristel Anne Beljira sang Balabago, Jaro, lunsay 18-anyos matapos natalupangdan nga nadula ang ila gamit.

Nakuha kay Serafica ang cellphone nga nagabalor sang P4,000 kag coin purse kag nadula ang camera ni Beljira nga nagabalor sang P8,000.

Sa pagpangusisa sang tagdumalahan sang disco bar, gintudlo nga suspek si alyas Geraldine, 27-anyos sang La Paz.

Ginpanghiwala pa sang suspek ang akusasyon apang nakuha sa iya ang nadula nga mga gamit sang gin-rekisa.

Gin-preso si alyas Geraldine sa karsel sang Mandurriao Police Station.

Leave a Reply