By: Aine Grace Bravo

Ginpanindugan ni Punong Barangay Ising Villanueva sang South San Jose, Molo nga nakapasa siya sang mga pangalan sang drug personalities sa iya barangay.

Suno kay Villanueva, ginpasa sini ang listahan kay Liga ng mga Barangay President kag Ex-Officio City Councilor Carlos Guarin kag indi sa Philippine Drug Enforcement Agency (PDEA) 6. Ginpabutyag ni Villanueva nga siya pa ang may pinakadamo nga pangalan sang mga drug personalities nga nagpasa kay Guarin.

Reaksyon ini ni Villanueva kasunod sang pahayag ni PDEA 6 Director Paul Ledesma nga isa ang South San Jose sa mga barangay sa syudad nga wala nakasumiter sa ila sang listahan sang drug personalities.

Leave a Reply