By: Jocelyn Gelloagan-Maque

Nagpanawagan si PAMANGGAS chairperson Lucia Capadocio sa mga biktima sang Supertyphoon Yolanda nga mag-upod sa ila kawsa nga mapalab-ut sa mataas nga pamunuan ang mga reklamo sa ginpahayag mahinay nga pag-abot sang Emergency Shelter Assistance.

Nag-picket ang grupo ni Capadocio sa atubang sang DSWD 6 office halin sang lunes.

Nagpasalig suno kay Capadocio si DSWD 6 Director Evelyn Macapobre nga ipalab-ut sini sa national office ang ila mga reklamo.

Ginpabutyag ni Capadocio nga komporme man bisan ang taga-DSWD 6 sa kawsa sang grupo.

Partikular nga ginareklamo sang PAMANGGAS ang Memorandum Circular 24 sa diin nabutang nga indi makabaton sang assistance ang mga empleyado nga may sweldo P15,000 pasaka kag ang mga apektado nga pumuluyo nga nakasulod sa 40 metros halin sa higad sang baybay ang balay kon wala sang sayluhan nga lugar.

Leave a Reply