By: Aine Grace Bravo

Posible nga magbalik sa 7 pesos kag 50 sentimos ang plete sa mga depasahero nga jeep sa syudad kon maglab-ot sa 40 pesos ang litro sang krudo.

Ginpahibalo ini ni Iloilo City Loop Alliance of Jeepney Owners and Drivers Association (ICLAJODA) President Boyet Parcon bangud sa sunod-sunod nga pagsaka sa presyo sang gatong. Suno kay Parcon, isa ini sa mga kondisyon nga nalakip sa ila gin-file nga petition for fare reduction sa LTFRB 6. Aminado si Parcon nga nagtaas naman ang presyo sang gatong kasunod sang pagtaliwan ni King bdullah sang Saudi Arabia.

Pananglitan nga mabalik sa 7 pesos kag 50 sentimos ang plete, ginpabutyag ni Parcon nga gamiton na lang ang daan nga fare matrix kag indi na kinahanglan ang bag-o nga certification para sa fare hike.

Leave a Reply