By: Jocelyn Gelloagan-Maque

Kaso nga arson kag parricide ang ipasaka sang Barotac Nuevo Police batuk sa amay nga gintudlo nagsunog sang iya balay rason sang pagkapatay sang iya walo ka tuig nga bata nga lalaki sang weekend.

Suno kay SPO4 Glen Azucena, basehan nila sa pagpasaka sang kaso batuk kay Wenceslao Adagan, 48-anyos, ang panaysayon sang iya 11-anyos nga bata nga si Jessa.

Ginpahayag ni Jessa nga nakita sini nga ginsipa sang ila amay ang kingki rason nga nagtupa sa mga lapat kag nasunog.

Suno pa sa bata, nagsindi pa sang sigarilyo ang ila amay kag ginhaboy sa sulod sang balay.

Gin-athag ni Azucena nga nagpalagyo pa si Wenceslao matapos nga nadala sa ospital ang iya bata nga si Jay.

Hubog man ini sang nadakpan sa balay sang iya utod sa Barangay Cameros, Anilao Sabado sang gab-i.

Leave a Reply