Iloilo City: Committee on Markets and Slaughterhouse, Ginpa-iway ang Pag-presentar sang Committee Report sa Session sang City Council subong nga adlaw!

By: Nemesio Martirez

Ginpa-iway sang Committee on Markets and Slaughterhouse ang pag-presentar sang committee report sa session sang city council subong nga adlaw may kaangtanan sa ginpahayag mga tuklo sa Iloilo Terminal Market. Sa baylo, gintalana sang komitiba sang Marso 2 ang pag-presentar sang report kag rekomendasyon kon sin-o nga mga empleyado ang pasakaan sang kaso. Gin-ako ni Kagawad Rodel Fullon-Agado, chairman sang komitiba nga ginaplantsa pa nila ang report base man sa suhestyun kag opinyon sang pila ka konsehal. Gin-athag sini nga wala sila sang mag gindugang sa mga empleyado nga ginrekomendar nga pasakaan sang kaso kriminal kag administratibo. Nahisugtan lang suno sa iya samng komitiba kaupod ang Committee on Good Government on Rules nga dungangan ang penalidad sa mga napamatud-an nadalahig sa anomaliya.