By: Aine Grace Bravo

Gin-ako sang pila ka mga alkalde sa probinsya nga wala sila nakasumiter sang mga dokumento sa Department of Social Welfare and Development (DSWD) 6 para sa emergency shelter assistance sang mga biktima sang Supertyphoon Yolanda.

Gin-athag ni Maasin Mayor Mariano Malones nga wala gilayon nakapasa sang dokumento ang municipal social welfare ang development officer bangud may pila ka mga benipisyaryo sang ESA ang indi makahibalo magsulat ukon magpirma kag wala man sang ID card. Magluwas sini, malayo pa ang mga barangay nga gina-istaran sang mga biktima.

Ginpabutyag naman ni Zarraga Mayor John Tarrosa nga sang nagligad pa nga tuig sila nakasumiter apang may mga ginpaapas pa rason nga na-atrasar ang pag-release sang ESA. Sa bahin naman ni Carles Mayor Sigfred Betita, ginrason sini ang madamo nga isla sa banwa rason nga atrasado ang ila pagpasa sang mga dokumento.

Leave a Reply