By: Jocelyn Gelloagan-Maque
Ginholdap sang tatlo ka lalaki ang Ceres bus sa Pototan kaina sang kaagahon.
Ginkumpirmar ni Police Senior Inspector Ariel corcino, Hepe sang Pototan PNP, ang report matapos nga nagpalab-ut sang impormasyon ang Dingle Police.
Suno kay Corcino, halin sa syudad sang Iloilo ang Ceres bus nga may masobra 10 ka pasahero kag padulong sa Caticlan, Aklan.
Ginpahayag nga nagsakay sa Zarraga ang mga suspek kag nagdeklarar sang holdap sa Barangay Iwa Ilaya.
Matapos nga nakuha ang kwarta kag kagamitan sang konduktor, driver kag mga pasahero, nagpanaug ang tatlo ka suspek sa Barangay Liboo, Dingle.
Padayon nga ginapangita sang mga pulis ang tatlo ka suspek kag ginahibalo ang ila identity. May report nga gin-pistol whip pa sang mga suspek ang isa ka pasahero.