By: Jocelyn Gelloagan-Maque

Ginhold-up ang collector sang Taytay sa Kauswagan Incorporated sa Guimbal kaina sang hapon.

Nataban sang mga holdaper sa kolektor nga si Jake Cyril Escoltos sang Miag-ao ang masobra 13 mil pesos nga cash kag cellphone.

Suno kay Escolotos, nagasakay siya sa motorsiklo pataklad sa Barangay Bulad, Guimbal sang ginbanggaan sang duha ka suspetsado kag gintayaan sang pusil.

Pagkatapos nakuhaan sang kuwarta kag cellphone, gindala pa sang mga suspek ang ginamaneho nga motorsiklo sang biktima.

Isa sa mga suspek suno kay Escoltos ang naga-edad sang masobra 40-anyos samtang indi naman makilala ang kaupod sini bangud nagasoksok sang kalo.

Leave a Reply