By: Jocelyn Gelloagan-Maque
Ginhatagan sang 15 ka adlaw ni Governor Arthur Defensor ang fact-finding team nga naga-imbestigar sang kinawatay sang gatong sang provincial government nga magsumiter sang report sa iya talatapan.
Mangin wala sang pulos suno sa gobernador ang iya kampanya batuk sa graft and corruption kon indi madakpan ang nagapalasik sang gatong.
May litrato na nga ginsumiter sa talatapan ni Provincial Administrator Raul Banias nga nagapakita sang driver sang dump truck nga nagapapanaug sang tatlo ka container sang diesel fuel kag ginbilin sa tyangge sa first district.
Ang fact-finding team ginabug-usan nanday General Services Officer Aaron Raymundo, Mr. Juanito Acanto sang Local Economic Enterprise kag Atty. Manuel Gemarino sang Provincial Legal Office.