By: Jocelyn Gelloagan-Maque

Dakop sa buybust operation sang Dumangas Municipal Anti-Illegal Drug Special Operations Task Group (MAIDSOTG) ang ika-18 nga drug personality sa banwa kaina sang aga.

Ginkilala ni Police Inspector Charlie Sustento, hepe sang Dumangas PNP ang nadakpan kay Alter Prudente, 37 anyos sang Sitio Calubihan, Barangay Jardin.

Nabaklan si Prudente sang isa ka sachet sang suspected shabu kag narecover man sa iya possession ang tatlo pa ka dalagko nga sachets sang illegal nga druga kag mga drug paraphernalia.

Suno kay Sustento, ginahimo sa balay ni Prudente ang repacking sang illegal drugs kag ginahimo man nga drug den sang mga durugista.

Base sa information sang Dumangas PNP, sa syudad sang Iloilo nagakuha sang supply sang illegal drugs si Prudente.

Nagapati si Sustento nga ginahimo man nga bagsakan sang illegal nga druga ang Dumangas bangud malapit man ini sa syudad kag may mga puerto.

Leave a Reply