By: Aine Grace Bravo

Nagtukod sang Task Force Puerto ang Dumangas bilang kabahin sang ginpabaskog nga kampanya kontra illegal nga druga.

Suno kay Inspector Charlie Sustento, hepe sang Dumangas PNP, ang task force ginabug-usan sang mga miembro sang PDEA 6, Land Transportation Office, Philippine National Police kag Philippine Coast Guard. Trabaho sang task force suno sa iya nga ma-monitor kag mapunggan ang mga nagasulod nga illegal nga kontrabando sa banwa.

May ginpahamtang man nga opisina malapit sa puerto para sa task force agud masiguro nga wala sang may makalusot nga illegal drugs. Magluwas sini, nagpa-in man si Mayor Rolly Distura sang 500 mil pesos agud ibakal sang sniffing dogs nga gamiton sang task force.

Ginpasalig ni Sustento ang mga pumuluyo nga nagapadayon ang kampanya sang kapulisan kontra illegal nga druga. Nagapasalamat man ini sa suporta sang komunidad nga amo ang nagahatag sang impormasyon agud madakpan ang mga durugista sa ila mga barangay.

Leave a Reply