Iloilo City: Diversion Road Mandurriao, pagabutangan sang LED lights

By: Jocelyn Gelloagan-Maque

Pagabutangan sang LED lights ang Diversion Road Mandurriao halin sa taytay pakadtu sa EL-98 sa Jaro.

Suno kay City District Engineer Rodney Gustilo, magahalin ang pundo sa Road Users Tax nga nagabalor sang P12-M.

Ang proyekto magatapos suno kay Gustilo sa Mayo samtang ginpasalig sini nga ibalik ang mga tanom sa center island nga naapektuhan sa pagkotkot agud butangan sang poste.

Ginpahibalo man sini nga dulaon na ang mga poste sa Diversion Road kag ipaakig sa idalum ang tanan nga linya sang elektrisidad kag telepono.