By: Aine Grace Bravo
Nasunog ang masobra 70 ka mga balay sa Railway St., Barangay 9, Roxas City Kagab-i.
Suno kay Supt. Julio Guztilo Jr sang Roxas City Police Station, nag-umpisa ang sunog alas 7:45 sang gab-i. Madasig nga naglapta ang kalayo bangud kalabanan sa mga balay ang human sa light materials.
Nabudlayan man ang mga bombero nga makasulod sa lugar bangud sa makitid nga dalan. Padayon nga gina-imbestigaran sang Bureau of Fire Protection ang ginhalinan sang sunog kag ang balor sang kahalitan.