Iloilo City: Reporter sang local daily, nagreklamo batuk sa taxi driver nga ginpahayag wala nagtuman sa mandu nga P10 flagdown rate reduction

By: Aine Grace Bravo

Nag-file sang formal complaint sa LTFRB 6 ang reporter sang The Daily Guardian matapos ginbalibaran sang taxi driver nga magtuman sa mandu nga 10 ka pesos gna buhin sa flag down rate.

Suno kay Ms. Angelica Tapalla, naglab-ot sa 103 pesos ang iya plete halin Ledesco Village, Lapaz pakadtu sa University of Iloilo. Nagbayad siya sang 100 pesos apang wala gid gin-sinilyuhan sang driver bisan 7 pesos na lang kon nagsukot ini sang 30 pesos sa flag down rate. Ginrason suno sa iya sang driver nga nagahulat pa lang sila sa order sang operator rason nga 40 pesos gihapon ang ila flag down rate.

Personal nga nagdangup sa LTFRB 6 si Tapalla agud mag-fill up sang complaint form batuk sa Light of Glory Taxi unit nga may plate number FWK-872. Si Tapalla pa lang ang pinakauna nga complainant nga nag-file sang reklamo sa LTFRB 6.