By: Aine Grace BRavo

Handa nga magtindog bilang complainant ang City Social Welfare and Development Office sa mga report sang pagpang-abuso sa kabataan.

Pahayag ini ni Mrs. Elizabeth Sevilla, social welfare development officer 3, matapos ginka-alarma ang nagapabata nga edad sang mga estudyante nga naga-engage sa ginatawag nga survival sex. Ipakigbato suno sa iya sang CSWDO ang Republic Act 7610 nga naga-proteher sa mga gina-abuso nga kabataan kag kababainhan samtang ginatun-an sang syudad ang pagdihon sang ordinansa agud mauntat ang pagduging sang amo nga aktibidad.

Magapangatubang sang liability suno sa iya ang mga tag-iya sang lodging houses, motels kag hotels nga mapamatud-an nagapasulod sang menor-de-edad sa ila establisiemento. Reaksyon ini ni Sevilla kasunod sang pagbuyagyag ni WVSU Professor Maria Rosario Victoria de Guzman nga madamu nga mga estudyante ang nagabaligya sang hingalit nga kalipay kabaylo sang kuwarta agud ibayad sa tuition fee ukon ibakal sang mga materyal nga butang.

Leave a Reply