By: Aine Grace Bravo
Dapat nga magpakita sa Muslim community sa Iloilo ang apat ka ginpahayag miembro sang Moro Islamic Liberation Front (MILF) nga nag-abot sa siyudad sang damlag lang.
Ini suno kay Muslim Federation of Western Visayas Public Information Officer Sammy Hajimanan agud mahibaluan kun ano gid ang ila katuyuan sa pagpadulong sa siyudad. Suno kay Hajimanan, mahibaluan gihapon nila kun diin ang mga ini nagapanago. Pananglitan naman magbalibad ang mga ini nga magpakita sa federation, nagpaandam si Hajimanan nga mas maayo nga magbalik na lang ang mga ini sa Mindanao ukon isugid sila sa kapulisan.
Ginsulit ni Hajimanan nga malinong nga pangabuhi ang ila handum sa pagpadulong sa Iloilo. Suno pa sa iya, maayo ang pagtrato sa ila sang mga Ilonggo kabangdanan indi nila luyag masimpunan sang mga Muslim nga ang luyag lamang amo ang magsabwag sang gamo. Gin-athag naman sini nga indi tanan nga miembro sang MILF ang mga guerilla ukon combatants.