By: Jocelyn Gelloagan-Maque

Nagpa-utaw utaw sa sulod sang isa ka oras ang pasahero sang St. Michael de Archangel sang To Go Shipping matapos naglumpat sa baybayon sang Guimaras kaina sang aga.

Suno sa wala nagpakilala nga pasahero, nakibot siya sang gulpi lang nagliko ang barko kag nag-alarm tubtub nahibaluan nga may naglumpat nga pasahero.

Ginpahayag naga-edad sang 20-anyos ang naglumpat nga pasahero kag taga-syudad sang Bacolod.

Wala naman nahibaluan ang motibo sang pasahero sa iya tuyo nga paglumpat.

Bangud sini, naatrasar ang byahe sang barko bangud sang ginhimo sang pasahero nga ginkaakig naman sang pila ka pasahero.

Naghalin sa Iloilo ang barko kag mapadulong sa Manila kag mahapit pa sa Bacolod agud magpapanaug sang mga pasahero sang natabu ang insidente.

Leave a Reply