By: Aine Grace Bravo

Gin-ako sang Iloilo City Urban Poor Affairs Office (ICUPAO) nga may kapaltahan sila sa pag-award sang mga lote sa relocation sites sa Brgy. Camalig-Lanit, Jaro sa mga indi kuwalipikado nga benepisaryo.

Suno kay ICUPAO Executive Director Wilfredo Jurilla, bangud ini sa daan nga sistema sang pila ka empleyado nga nagahatag sang pabor sa ila mga kilala. Gin-ako sini nga nagpasugot siya sa pag-ayo ni Calubihan Punong Barangay Rammy Guintibano nga hatagan sang lote ang iya iloy nga nagalumon sa iya.

Apang gin-athag ni Jurilla nga may sala man si Guintibano sa pag-endorso sang mga benepisyaryo sa relocation site bangud ini mismo ang una nakahibalo kon kuwalipikado ukon indi ang residente. Handa naman si Jurilla nga mag-atubang sa imbestigasyon agud matadlong kag mapaayo ang serbisyo sang ila opisina.

Leave a Reply