By: Aine Grace Bravo
Duha patay sa shooting kag stabbing incident sa Sta.Barbara kagab-i.
Ginkilala ang mga napatay kanday Benvienido Carpena kag RJ Selagiora sang Railway Street, Zone 6 Poblacion. Gindala pa sa ospital ang mga biktima apang napatay bangud sang patal nga pilas sa lawas.
Sa imbestigasyon sang kapulisan, gintiro sang bata ni Carpena nga si John Michael si RJ Selagiora gamit ang 12-gauge shotgun. Nagbalos ang utod ni Selagiora nga si Benjie kag ginbuno ang amay ni John Michael.
Nadakpan si John Michael samtang nakapalagyo si Benjie. Daan nga hiligut-anan ang ginpahayag ginhalin sang insidente.