By: Aine Grace Bravo

Plano sang Smallville-Boardwalk Business Association Incorporated nga mag-donar sang hand-held radios sa mga naka-deploy nga pulis agud mahapos nga maka-radyo pananglitan may magluntad nga gamo.

Suno kay Mr. Jim Velez, presidente sang asosasyon, partikular nga frequency ang gamiton para lang sa amo nga lugar para sa komunikasyon sang mga tag-iya sang establisiemento kag mga nakabantay nga pulis. Magluwas sini, dapat man suno sa iya nga mag-foot patrol ang mga pulis kon gab-e agud mapabilin ang kalinong kag katawhay.

Ini ang nahisugtan sa sinapol sang asosasyon upod kay ICPO OIC Sr/Supt. Kashmir Disomangcop sang damlag lang. Kumbinsihon man ni Velez ang mga establisiemento nga maghatag sang spotlights nga ibutang sa mga madulom nga portion agud malikawan ang pagluntad sang mga insidente.

Leave a Reply