Iloilo: Biyahe sang mga Ceres bus sa Central line, gin-untat sang management

By: Aine Grace Bravo

Nag-untat sa pagbiyahe sa Central Iloilo ang mga bus sang Ceres Liner bisan pa nga gin-extend sang LTFRB Central Office tubtub Abril 30 ang ila pagbiyahe sa nasambit nga ruta.

Tatlo na lang sa 29 ka units sang Ceres Liner ang nagabiyahe sa Central line suno kay LTFRB 6 Legal Officer Josemarie Lamparero. Isa sa rason suno kay Lamparero sa pag-untat sang biyahe ang gamay nga numero sang mga pasahero sa nasambit nga ruta.

Samtang ginpabutyag ni Lamparero nga pwede gid makabiyahe ang units sang Ceres Liner sa Central line bisan pa nga sa iban nga lugar ang frangkisa base man sa memorandum circular sang LTFRB.