By: Aine Grace Bravo
Paga-amyendahan ni Kagawad Joshua Alim ang gindihon nga city ordinance may kaangtanan sa relocation site.
Suno sa konsehal nga chairman sang Committee on Urban Poor sang City Council, ilakip niya sa ordinansa ang paghatag sang prayoridad sa mga balay nga maapektuhan sang special projects sang gobyerno. Ibutang man sang konsehal ang penalidad sa mga benipisaryo sa relocation site nga madakpan nagabaligya sang gin-award nga housing unit ukon nagapa-arkila sang balay.
Isal-ot man sini ang criminal kag administrative liabilities sang mga punong barangay nga nagapangayo sang pabor sa ICUPAO agud ilista nga benipisaryo ang ila mga himata ukon kakilala bisan indi kwalipikado. Kasunod ini sang reklamo kay Calubihan, Jaro Punong Brgy. Rammy Guintibano nga naka-avail sang relocation site ang pila niya ka himata nga wala naapektuhan sang kalamidad ukon road widening project sang syudad.