By: Jocelyn Gelloagan-Maque

Gin-aprobahan sang city council ang resolution nga nagapahanugot sa presensya sang Philippine Army sa kabarangayan sa syudad.

Suno kay Kagawad Joshua Alim, chairman sang Committee on Police Matters sang city council, nakumbinser ang iya mga kaupod sa konseho sa paathag ni Lt. Colonel Enriqueto Deocadez, Jr., battalion commander sang 82nd Infantry (Bantay Laya) Battalion sang 3ID, Philippine Army sa Camp Monteclaro sa Brgy. Igtuba, Miagao, Iloilo.

Gin-athag ni Deocadez sa session sang city council nga ang pagbutang sang mga suldado sa kabarangayan ang kabahin sang national program sang Phil. Army nga bayanihan system pareho sang mga civic activities kag magabulig bantay sa seguridad sa APEC ministerial meeting sa Oktubre.

Naathagan suno kay Alim ang konseho nga tuyo lang sang Phil. Army amo ang magbulig sa komunidad kag indi ang paglagas sa mga leftist ukon militante nga grupo.

Ang unanimously-approved nga resolution, gin-sponsor ni Kagawad Jason Gonzales.

Leave a Reply