By: Aine Grace Bravo
Magapakigsapol si Kagawad Jason Gonzales, chairman sang Committee on Education sang City Council, sa mga ginikanan nga nagareklamo batuk kay Dr. Lynette Trinidad, principal sang Mandurriao Elementary School.
Mapadala ang konsehal sang imbitasyon sa mga ginikanan buwas agud pamangkuton sang ila reaksyon sa report nga ginhatag sang City Schools Division. Nagapati si Gonzales nga may kinahanglan pa siya nga mahibaluan kag mga palamangkutanon nga kinahanglan masabat matapos wala nasanagan sa report sang City Schools Division. Para kay Gonzales, may bug-at ang reklamo sang mga ginikanan rason nga kinahanglan matumod ang salabton ni Trinidad kag ma-aksyunan sang Department of Education 6.
Aminado naman ang konsehal nga wala sang jurisdiction ang iya komitiba ukon ang city council sa pag-aksyon sa reklamo. Nagahatag lang suno sa iya ang komitiba sang tsansa sa mga ginikanan kag mga manunudlo nga makahambal sang ila mga alegasyon batuk kay Trinidad.