By: Jocelyn Gelloagan-Maque
Maayo ang record ni Irene Mae Alcobilla sang Sitio Dorog, Barangay Gerindo, San Remegio, Antique, ang top notcher sa 2014 Bar Examination.
Ginpahayag ni Mr. Rito Alcobilla, amay ni Irene, consistent valedictorian ang iya bata halin sang elementarya tubtub high school kag Magna Cum Laude sa kurso nga AB Political Science sa West Visayas State University.
Ginpasalamatan sang amay ang makaako kag duha sini nga bata nga seaman nga nagbulig pa-eskwela kay Irene sa College of Law sa San Beda College.
Si Irene Mae ang top notcher sa Bar Examination matapos nakakuha sang average nga 85.50 percent.
Wala sapayan sang masubo nga na-agyan sang pamilya Alcobilla, nagapasalamat si Rito nga nagmadinalag-on ang iya bata nga mapasaran ang Bar Exam.
Nahibaluan nga napatay ang iloy kag utod ni Irene Mae matapos naanod sang baha dala sang Bagyo Frank sang 2008.
Nakita suno sa amay ang bangkay sang iya asawa apang nagapabilin naman nga missing tubtub subong ang iya bata.