By: Nemesio Martirez

Madamu na nga kabanwahanan ang nagpasa sang kompleto nga listahan sang mga benipisaryo sa Dept. of Social Welfare and Development para sa emergency shelter assistance sang mga biktima sang supertyphoon yolanda. Suno kay DSWD 6 Information Officer Mrs. Mae Rago-Castillo, San Dionisio na lang ang nabilin nga banwa nga wala nakasumiter sang kompleto nga listahan. Ang maayo nga balita suno sa iya amo ang pag-abot sang 97 milyones pesos nga pundo para ibayad sa mga benipisaryo sa Cabatuan, Alimodian kag San Rafael sa Iloilo; Ibajay, Nabas, Lezo sa Aklan; kag Lawa-an sa antique. Ang nasambit nga kantidad suno kay Castillo ang kabahin sang ginapaabot nga 1.1 ka bilyon ka pesos nga pundo para sa mga benipisaryo. Gin-athag ni Castillo nga magluwas ini sa 1.8 ka bilyon ka pesos nga pundo nga naubos na release sang ahensya.

Leave a Reply