By: Nemesio Martirez

Liwat nga nag-conduct sang surprise random drug test sa kapulisan ang Iloilo City Police Office ukon ICPO. Ginpatawag nanday ICPO OIC Director Kashmir Disomangcop kag Operations Chief Supt. Gilbert Gorero ang 34 ka mga pulis kag ginpaidalum sa drug test. Kalab-anan sa mga ini ang na-assign sa station Anti-illegal Drug Special Operations Task Group ukon AIDSOTG. Magluwas sa ICPO, nag-conduct man sang random drug test sa iban nga unit sang police regional office 6 sa campo delgado.Ginalakipan ini sang Criminal Investigation and Detection Group ukon CIDG kag Regional Investigation and Detective Management Division ukon RIDMD. Wala man nakaluwas sa drug test ang mga personnel sa Bureau of Fire Protection kag Bureau of Jail Management and Penology ukon BJMP. Ginpabutyag ni Disomangcop nga tubtub may nabilin pa nga drug testing kit, gamiton ini sa mga pulis nga ginasuspetsuhan nagagamit sang illegal nga druga ilabe na ang mga na-assign sa AIDSOTG.

Leave a Reply