By: Nemesio Martirez
Preparado na ang Iloilo City Police Office sa pagmentinar sang kalinong kag katawhay sa mga nagapanguna nga lugar sa syudad para sa semana santa kag sa tion sang bakasyon. Sa ginplastar nga oplan summer vacation sang ICPO, may ipahamtang nga patrol cars kag mga pulis sa nagkalain-lain nga area nga ginalakipan sang mga terminals, simbahan kag puerto. Magabutang ang ICPO sang information desk sa mga terminals agud may mapangayuan sang bulig ang mga pasahero nga nagapauli sa mga probinsya. May yara man sang kapulisan nga magalibot sa syudad ilabe na ang mga pulis nga nagasakay sa motorsiklo agud magbantay sang seguridad. Bastante man ang mga pulis nga i-deploy sa Ortiz Wharf para sa pagtaltal sa guimaras sa semana santa.