By: Nemesio Martirez

Ginatutukan sang Land Transportation Franchising and Regulatory Board ang pag-tsekyar sa mga terminals sang mga passenger buses para sa Semana Santa. Suno kay LTFRB 6 Legal Officer Atty. Jose Marie Lamparero, magabutang sila sang mga help desk para sa mga pasahero. Istriktuhon man suno sa iya sang ahensya ang pagdumili sa mga salakyan nga may kalbo nga royda agud makalikaw sa disgrasya. Ginpahayag sini nga kuhaon sang LTFRB ang plaka sang amo nga salakyan agud masiguro nga indi makabiyahe.Gin-athag naman ni Lamparero nga bisan nagatutok sila sa mga terminals, padayunon man nila ang pag-tsekyar sa mga garahe sang mga depasahero nga bus, taxi kag jeep.

Leave a Reply