Update: 34 ka mga Pulis sa ICPO, Ginpaidalum sa Surprise Random Drug Test kahapon!

By: Nemesio Martirez

34 ka mga pulis ang ginpaidalum sa surprise random drug test sang Iloilo City Police Office ukon ICPO kahapon. Kalab-anan sa mga nga police ang na-assign sa station Anti-Illegal Drug Special Operations Task Group ukon AIDSOTG. Wala nakapangaman ang mga pulis sang ginpatawag ni ICPO OIC Director Kashmir Disomangcop kag ginpangayuan sang urine sample para sa drug test. Una ginpapati ang mga pulis nga mapatawag lang sang conference si Disomangcop apang nakibot sang gin-anunsyar sini ang surprise random drug test. Magluwas sa ICPO, ginpaidalum man sa drug test ang mga personnel nga na-assign sa Criminal Investigation and Detection Group ukon CIDG kag Regional Investigation and Detective Management Division ukon RIDMD. Ginpahayag ni Disomangcop nga tubtub may nabilin pa nga drug testing kit, gamiton ini sa mga pulis nga ginadudahan nagagamit sang illegal nga druga ilabe na ang mga na-assign sa AIDSOTG.