By: Aine Grace Bravo

Nakit-an na ang bangkay sang 14-anyos nga lalaki nga nalumos samtang nagapangisda sa baybayon malapit sa Sitio Dagundong, Brgy. Nanga, Guimbal sang Huwebes sang gab-i.

Naglab-ot sa 38 ka oras ang search operation sang Philippine Coast Guard kag Philippine Coast Guard Auxiliary antes nakita ang lawas ni Mark Andrew Yunigo alyas Atong sang Brgy. Rizal Tugisan, Guimbal. Kaupod ni Yunigo ang abyan nga si alyas Rodel nga nagapangisda sang ginsudlan sang tubig ang ila baroto kag nagkapan.

Nagpanic si Yunigo rason nga nakabuhi ini sa baroto kag madasig nga nagsarurot sa tubig. Gin-ako ni alyas Rodel nga indi makahibalo maglangoy si Yunigo rason sang iya pagkalumos.

Leave a Reply