By: Aine Grace Bravo

Ginpa-idalum sang Philippine Coast Guard sa heightened alert ang tanan nga pwerto sa Western Visayas umpisa Marso 27 tubtob Abril 6.

Katuyuan sini suno kay Coast Guard-Iloilo Station Commander Lt.Jomark Angue nga masiguro ang kaluwasan sang mga pasahero sa Semana Santa. Mapahamtang man ang Coast Guard sang passengers assistance center sa frastcraft terminals sa Lapuz, Parola, Ortiz, Jordan, Buenavista Wharf kag mga pwerto sa Dumangas, Caticlan, kag Roxas City.

Pangunahan sang Coast Guard ang pagbantay sa passengers assistance center upod sa Maritime Industry Authority, Department of Transportation and Communication, Philippine Ports Authority kag Philippine Coast Guard Auxiliary. May maga-standby man suno kay Angue nga medical teams agud maghatag sang assistance sa mga pasahero.

Leave a Reply