Iloilo: Mga pulis sa syudad kag probinsya, preparado na para sa Holy Week

By: Aine Grace Bravo

Handa na para sa implementasyon ang security plan sang Iloilo City Police Office para sa Semana Santa.

Ginpasiguro ini ni ICPO OIC Sr/Supt. Kashmir Disomangcop. Napalab-ut na suno kay Disomangcop sa mga police station commanders ang security plan sa diin 296 ka personnel ang iga-deploy. Magluwas sini, magabulig man sa pagbantay sang kalinong kag katawhay ang mga police auxiliary kag mga barangay tanod. 38 naman ka police assistance desks ang ipalapta sa nagkalain-lain nga areas sa syudad ilabe na sa mga matawo nga lugar. Magluwas sa pagsiguro nga malikawan ang krimen, magapanghatag man ang ICPO sang flyers sa diin nasulat ang crime prevention tips.

Samtang preparado naman ang Iloilo Police Provincial Office para sa Holy Week. Ginpahayag ni IPPO Director Sr/Supt. Cornelio Salinas nga nagsugod na ang ila Oplan Summer Vacation kag Oplan Semana Santa. Ginpanugyanan ni Salinas ang mga chiefs of police kag deputy chiefs of police nga siguruhon nga ma-respondehan ang tanan nga request sang assistance sang mga locals kag turista nga magabiyahe subong nga Holy Week.Naghingyo man si Salinas sang kooperasyon sang publiko agud masiguro nga malinong kag matawhay ang pagdumdom sang Semana Santa.

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %