By: Aine Grace Bravo

Nakalinya na ang mga aktibidad para sa 114 nga Semana sang Iloilo umpisa subong nga adlaw tubtub sa Abril 10.

Base sa schedule of activities nga nakuha ni Vice Governor Raul Tupas, magahiwat sang Thanksgiving mass sa Capitol lobby las-8 subong nga aga kag pagasundan sang paglunsar sang website sang Iloilo Police Provincial Office kag static display booths and exhibits. Pangunahan naman sang Provincial Treasurer’s Office ang awarding sang outstanding local government units, taxpayers kag barangay movers sa Capitol lobby buwas. Magahiwat naman sang ‘Rescuelympics’ ang Provincial Disaster Risk Reduction and Management Office (PDRRMO) sa Abril 8.

Kalakip man diri ang job fair, fun run nga may tigulo ‘Dalagan sa Kaadlawan’ sa Abril 9, Garden Expo sa Capitol parking area kag family day sang mga empleyado. Magatakop ang isa ka semana nga selebrasyon sa testimonial dinner sa Capitol lobby sa Abril 10 sang aga.

Ang Semana sang Iloilo ginahiwat kada tuig agud i-selebrar ang pagtukod sang civil government sang Iloilo province sang Abril 11, 1901.

Leave a Reply